September 2022.

Loeriesfontein-gemeenskapslede, gesondheidsbeamptes en ander sleutelbelanghebbendegroepe het laat verlede maand by die oorhandiging van ‘n broodnodige pasiënt vervoer voertuig bymekaargekom. Die pasiëntvervoerder sal die plaaslike gesondheidsorgstelsel ’n hupstoot gee, aangesien dit vervoer vir Loeriesfontein-gemeenskapslede sal vergemaklik om toegang tot mediese dienste en sorg te verkry.

“Die nuwe voertuig was vir ons van groot waarde omdat dit pasiënte in staat stel om vinniger na en van die gesondheidsfasiliteit te reis, wagtydperke word verkort en gemeenskapslede kan geld spaar. Dit is veral voordelig vir bejaardes, swanger vroue en moeders met klein kinders. Ons is baie dankbaar vir die bus, aangesien dit bydra tot die optimale lewering van pasiëntsorg,” het Annie Opperman, Verpleegsuster by die CHC gesê.

Befonds deur Loeriesfontein- en Khobab-windkragaanleg, het die Departement van Gesondheid, verteenwoordig deur die Namaqua Distrik Gesondheidsbestuurder, Mnr Daniel Grootboom en waarnemende Mediese Nooddienste Distriksbestuurder, Mnr Ayabonga Somi, by die geleentheid bymekaargekom om die aflewering van die Mediese Nooddienste Pasiënt Vervoer Voertuig (PVV) te vier.

“Tans is die CHC die enigste gesondheidsorgfasiliteit in die gemeenskap, en dit is ‘n entjie weg van sy inwoners geleë. Mense, veral bejaardes, kan nie die afstand stap om gesondheidsorgdienste te ontvang nie, wat een van die redes is waarom die besluit geneem is om hierdie ondersteuning te verskaf,” Vanessa Fredericks, ekonomiese ontwikkelingsbestuurder vir Khobab- en Loeriesfontein-windkragaanleg, afgesluit.

Hierdie ondersteuning sal die 2 700 gemeenskapslede bevoordeel deur toegang tot die nodige en toepaslike gesondheidsorg te verskaf. Gevolglik sal die gesondheid van die gemeenskap verbeter word, die lewensverwagting van gemeenskapslede sal toeneem en chroniese toestande kan vroeër opgespoor en behandel word.