Junie 2025.

Byna 50 individue van Loeriesfontein het tot dusver voordeel getrek uit die Leerling- en Bestuurslisensieprogram, met die tweede groep wat hul bestuurslisensietoetse suksesvol geslaag het, wat die voltooiing van die inisiatief se tweede fase aandui.

Hierdie gemeenskapsgerigte program, wat deur Loeriesfontein en Khobab-windkragaanlegte befonds word, is daarop gemik om inwoners te help om hul bestuurslisensies te bekom, toegang tot werksgeleenthede te verbreed en padveiligheid te bevorder deur behoorlike opleiding en sertifisering.

In die tweede fase is agt deelnemers getoets, met drie wat hul Bestuurslisensietoets suksesvol geslaag het, terwyl ‘n bykomende tien individue die Leerlinglisensietoets afgelê het.

“Hierdie geleentheid het ‘n beduidende verskil in my lewe gemaak. Om ‘n geldige bestuurslisensie te hê, het meer werksgeleenthede vir my oopgemaak, aangesien baie werke dit vereis. Dit het ook my selfvertroue versterk en my in ‘n beter posisie geplaas om ander in my gemeenskap te ondersteun,” het Niclodian Nel, een van die programbegunstigdes, gesê.

Instrukteurs is aangestel om die opleiding te fasiliteer, wat die inisiatief se verbintenis tot gemeenskapsbemagtiging deur werkskepping en vaardigheidsontwikkeling versterk het. Praktiese lesse het plaasgevind op ‘n terrein wat deur die plaaslike munisipaliteit voorsien is, terwyl ‘n kamer wat van Loeriesfontein Management Services gehuur is, as die lokaal vir die teoretiese lesse gedien het.

Verder is twee plaaslike besighede gekontrakteer om vervoer vir deelnemers te reël en daaglikse maaltye te verskaf, wat bydra tot die gladde verloop van die program.

“Die ondersteuning van plaaslike diensverskaffers is sentraal tot die manier waarop ons ons gemeenskapsprogramme implementeer. Dit hou nie net belegging binne die gemeenskap nie, maar dit versterk ook plaaslike kapasiteit en skep werksgeleenthede. Dit is ‘n wen-wen vir beide die program en die mense van Loeriesfontein,” het Vanessa Fredericks, Ekonomiese Ontwikkelingsbestuurder vir Loeriesfontein en Khoba-windkragaanlegte, afgesluit.